Nú árið er næstum því liðið og

ég á eftir að gera svo margt

sem ég lofaði að gera síðasta gamlárskvöld.

Takk fyrir mig.

Kæru vinir og vandamenn ég er í prófum. Ég er voða sæt og fín eins og sést hér að neðan en þar sem það er ósköp fátt sem drífur á daga mína í prófatörn munu netskrif vera í algjöru lágmarki. Þangað til næst. Yfir og út. Katrín B.

PS. Ég fer ásamt fríðu föruneyti í útskriftarferð eftir aðeins 17 daga... jahá!

Í DAG VAR MIKILL GLEÐIDAGUR Í SAFAMÝRINNI SEM OG Í ENGJASELI 58! FRÁBÆR STEMMNING Á LEIKNUM OG YNDISLEGT AÐ VERA FRAMMARI! LOKSINS LOKSINS LOKSINS!

Ég var í sakleysi mínu stödd í Laugardalnum. Þar rakst ég á þrjá sauðdrukkna Norðmenn...að sjálfsögðu í flíspeysum og gönguskóm. Þessir elskulegu drengir á fimmtugsaldri voru algjörlega ráðalausir þar sem þeir höfðu tapað vitinu einhversstaðar á milli þriðju og fjórðu flösku. En þar sem þeir voru svona helvítir hressir og kátir eins og Norðmönnum sæmir gat ég ekki neitað þeirra einlægu bón:

Norðmaður nr 1: "Can you drive us to hotel?"

Katrín: "Mmm where is your hotel?"

Norðmaður nr 1: "Javla...for helv... mmm... I don't know"

Katrín: "You don't know the name?"

Norðmaður nr 1: " No I call my brother"

Katrín: "Ok you call your brother and ask him"

Norðmaður nr 1: "Ok I be right back"  Hann hleypur og nær í tvo til viðbótar.

Norðmaður nr 2: "Floki Inn can you drive us Floki Inn please"

Katrin: "Yes ok I'll drive you

Norðmaður nr 2: "Is this enough?"

Og í þessu slengir félaginn níutíu og sex norskum krónum í andlitið á mér... en dásamlegt... einmitt það sem mig vantaði í myntsafnið En jæja ég skutlaði þeim svo upp á Flókagötu (með smá krók því ekki hafði ég hugmynd um hvar Flókagötu væri að finna og þeir vissu varla í hvaða heimsálfu þeir voru staddir!). Elsti og fyllsti bróðirinn vildi ólmur að ég skutlaði þeim í bæinn en hinir sögðu bara nei þú ert að fara sofa! Þeir þökkuðu svo fyrir sig eins og ég hefði bjargað þeim úr klóm jólakattarins. Já hver segir að maður þurfi að láta sér leiðast í prófatíð?

Yfir og út, Katrín B.

PS. Ég er loksins búin að hun(d)skast til að setja smá upplýsingar um mig þarna í hlekk sem heitir "bara ég".

Hér eru komnar myndir frá Hollywood afmælinu ógurlega...þar sem Michael Jackson fór að sjálfsögðu á kostum og var í karakter "næstum" allt kvöldið Sjá má fleiri myndir undir myndahlekknum Hollywood afmæli.

Í morgun sáust sex kríur utan við Ósland á Höfn, frést hafði að þrír fuglar hefðu sést þann 21. apríl. Kríurnar eru því á eðlilegum tíma og eins og yfirleitt sjást fyrstu fuglarnir við Höfn. Það eru einlæg tilmæli mín til ykkar allra að fara hafa regnhlífina og hjálmana til taks aftur.

Yfir og út, Katrín B.

PS. Oasis í Höllinni eða...?

Hæ ég var að setja inn myndir frá því að mamma kom að heimsækja mig til Frakklands í nóvember www.fotki.com/egogmamma

Yfir og út, Katrín B.

PS. Me no gusta mi vida

Ég minntist á það í síðustu færslu að Lóan væri komin og það þykja mér góðar fréttir. Í dag gerði ég mér svo grein fyrir að systir Lóunnar... Ljótan er líka komin. Ójá Ljótan er komin! Ég lít í spegil og ég sé prófa Ljótuna blasa við mér... svört rót í hárinu, flíspeysa þakin kuski og skjannahvítt hörund. En fyrir mér er Ljótan jafn mikill og kærkominn vorboði og Lóan. Þetta þýðir að prófin eru að skella á, veturinn að hverfa og sumarið á næsta leyti

Yfir og út, Katrín B.

PS. Ég er grúppía...búin að sjá Anímaníu tvisvar

Ég kom víða við í gær og batt enda á páskfríið með stæl. Þeir staðir sem ég heimsótti voru Hveragerði, Selfoss, Stokkseyri, Litla-Hraun, Eyrarbakki, Bláa-Lónið og Hafnarfjörður. Já og geri aðrir betur á annan dag páska!

Yfir og út, Katrín B.

PS. Lóan er komin... það var mikið!

Nú er páskadagur runninn upp ásamt tilheyrandi þakklæti og hátíðarbrag. Með páskadegi færast yfir ákveðin tímamót og okkur gefst tækifæri á að staldra við og horfa um öxl... NOT! Gemmér egg, stærra egg, ég vil þrjú egg!

Föstudagurinn langi var svei mér langur... hann stóð alveg til sjö næsta morguns Ég fór á smá skrall með Láru og Hlyni og var það hin mesta skemmtun. Við vorum greinilega ekki einu hálf-heiðingjarnir sem skvettum í okkur á föstudaginn langa því að bærinn var pakkaður af fólki. Sökum þess enduðum við á hinum stórskemmtilega Celtic Cross...Mr.Boombastic!

Ég ætla að láta myndir frá St.Patricks deginum  (17.mars) fylgja þessari færslu en þá vorum við þrjú einmitt að fagna að írskum sið á Stúdentakjallaranum.

http://public.fotki.com/ljonsdottir/st_patreks_og_strsm/

Yfir og út, Katrín B. páskalamb.

PS. Ég er komin með sumarvinnu

Skírdagur var úrvalsdagur, ég fór í Kolaportið, ég fór á kaffihús, ég fór í bíltúr, ég fór í ísbúð og ég fór í leikhús! Solla og haltrandi Viktor leyfðu einstæðingnum mér að fara með sér í Kolaportið, þar rann kaupæði á okkur öll og þegar við settumst niður á kaffihús eftir verslunarleiðangurinn var eins og við værum í útlöndum

Ég fór að sjá Láru vinkonu í Stúdentaleikhúsinu í gærkvöldi. Ég hafði engar sérstakar væntingar þar sem að ég vissi í raun ekkert um hvað leikritið var, vissi bara að þetta væri voða frumlegt og sérstakt. En VÁ VÁ VÁ hvað ég skemmti mér vel! Ég hef ekki hlegið svona mikið lengi og þetta var æðisleg kvöldstund! Þessir krakkar í Stúdentaleikhúsinu eru svo sniðugir, hvernig fengu þeir allar þessar góðu hugmyndir??? Þetta var það skemmtilegt að ég og sessunautur minn rifjuðum upp öll atriðin á leiðinni heim, hlógum og hlógum og ákváðum að við yrðum að fara aftur. Og ég vil taka það fram að ég er engin sérstök leikhús manneskja og það þarf mikið til þess að halda athygli minni í einn og hálfan tíma... en það tókst svo sannarlega Takk fyrir mig Anímanía! Hér eru sýningartímarnir ef einhver hefur áhuga og það kostar bara 800 kr fyrir HÍ nema:

Fim. 13. apríl Fimmta sýning
Lau. 15. apríl Sjötta sýning
Þri. 18. apríl Sjöunda sýning
Fim. 20. apríl Áttunda sýning
Lau. 22. apríl Lokasýning

Yfir og út, Katrín B.

PS. Aldrei fór ég vestur

Æ og ó mig auma! Það eru komnir páskar, mér hefur alltaf fundist páskarnir óttalega leiðinleg hátið. Ekkert fútt í páskunum! Páskar eru sjaldnast eftirminnilegir og það er aldrei svona skemmtileg páskastemmning í loftinu. Ég man varla hvað ég gerði á páskunum í fyrra... æ það er kannski ekki alveg að marka það, ég man ekki einu sinni hvað ég gerði í gær

Ég á þó nokkrar sterkar páskaminningar, þær hafa samt í raun lítið með hátíðina sjálfa að gera en engu að síður páskaminningar:

• Þegar það var geggjað gott veður og ég sat á nærfötunum úti á bletti að tálga... endaði að sjálfsögðu með því að ég tálgaði í puttann á mér.
• Þegar ég var að skíðum á Siglufirði í sól og blíðu.
• Þegar ég vakti Hilmar bróðir til þess að hann myndi opna sitt páskaegg og horfa á skrípó með mér.
• Þegar ísskápshurðin datt af og mamma og pabbi voru á Kanarí.

Og fleiri páskaminningar á ég ekki, er það bara ég eða eru páskarnir auðgleymanlegir? Hefur kannski eitthvað með próflestur að gera...

Yfir og út, Katrín B.

PS. Jackson stóð sig vel og skilaði sér heim... með hattinn!

Ýmislegt spennandi í uppsiglingu...

...þarf ég að segja meira! Yfir og út, Katrín B.

PS. Bikinimódel Íslands...úff hvar á ég að byrja!

Kæru ættingjar og vinir.

Í tilefni af fermingu minni er þér/ykkur boðið að þiggja kaffiveitingar í Framheimilinu við Safamýri þann 11. apríl kl 14:00.

Hlakka til að sjá ykkur öll, Katrín Björg Jónasdóttir.

Ég vil fá Ipod, plasma sjónvarp, fartölvu, stafræna myndavél og amerískt rúm. Okei?

Flöskudagurinn var góður þessa helgina, mjög góður Við ferðó stelpurnar hófum helgina heima hjá mér á föstudaginn og má sjá myndir hér: www.fotki.com/floskudagur Svo var að sjálfsögðu haldið á vit ævintýranna

Matur 2006 úff!! Ég er loksins búin að átta mig á því afhverju sýningin heitir Matur 2006 en ekki eitthvað annað, þið sem haldið að það tengist ártalinu eruð nokkuð heit. Nafnið á nefninlega ekki bara að vísa í ártalið heldur einnig þá staðreynd að á sýningunni borðar maður fyrir ALLT árið 2006 og það er ekkert grín. Ég er ennþá afvelta og það eru fimm tímar síðan ég skreið þar út. Ég verð kannski orðin góð fyrir páskalambið, aldrei að vita Ef ekki þá vonast ég allavega til þess að lystin verði komin í tæka tíð fyrir Matur 2007.

Afvelta og sæl, yfir og út, Katrín B.

PS. Ég lýsi eftir sumarvinnu! Ég er geggjað góður starfkraftur...